Мексикада автобус аударылып, 18 адам қаза тапты, деп хабарлайды BAQ.KZ Anadolu агенттігіне сілтеме жасап.
Сондай-ақ 29 адам жараланған.
Штаттың губернаторы Саломон Хара автобус Мехикодан келе жатып, Митла-Теуантепек трассасында апатқа ұшырағанын айтты.
Губернатор қаза тапқандардың отбасына көңіл айтып, апаттың себебі тексеріліп, анықталатынын мәлімдеді.
Жергілікті БАҚ таратқан мәліметке сәйкес, қаза тапқандардың барлығы «Ұлттық жаңару қозғалысы» (MORENA) билеуші партияның жақтастары болған. Олар Мехикода өткен президент Клаудия Шейнбаумның митингіне қатысып келе жатқан.
