Иран Сыртқы істер министрлігі АҚШ үкіметінің Иран азаматтары мен Иранмен ынтымақтастық орнатқан тұлғаларға қарсы енгізген жаңа санкцияларын қатты сынға алды, деп хабарлайды BAQ.KZ Иран СІМ Telegram-арнасына сілтеме жасап.
СІМ өкілі Исмаил Багай бұл шараларды Иран халқына деген терең және ұзаққа созылған дұшпандықтың дәлелі деп атады.
АҚШ-тың Иранға қарсы жаңа санкциялары халықаралық құқықтың нормалары мен негіздерін бұзумен қатар, Тегеран халқына бағытталған "максималды қысым" саясаты аясында енгізілді. Бұл – АҚШ-тың қазіргі режимінің Иран халқына қарсы адамзатқа қарсы әрі сәтсіз саясат жүргізіп отырғанының айқын көрінісі, – деді дипломат.
Иран Сыртқы істер министрлігінің мәліметінше, АҚШ Қаржы министрлігі Иранмен банктік және сауда байланысын орнатқан бірнеше ирандық азаматтар мен басқа елдердің өкілдеріне санкциялар салған. Тегеран бұл әрекетті заңсыз және әділетсіз деп бағалап, оны екі ел арасындағы шиеленісті одан әрі ушықтыра түсетін қадам деп есептейді.
