"Қазгидромет" РМК бүгінге, 3 маусымға арналған ел қалаларындағы ауа сапасы болжамын жариялады, деп хабарлайды BAQ.KZ.
Мамандардың мәліметінше, Астана қаласында түнгі уақытта, ал Алматы қаласында тәулік бойы ауаның ластану деңгейі жоғарылайды.
Мұндай қолайсыз метеорологиялық жағдайлар – тымық ауа райы, жеңіл жел, тұман немесе инверсия сияқты факторлардың әсерінен атмосферадағы зиянды заттардың шоғырлануына ықпал етеді. Соның нәтижесінде атмосфералық ауаның сапасы төмендеп, әсіресе тыныс алу жолдары ауруларына бейім тұрғындар үшін жағымсыз әсер етуі мүмкін.
Экологтар мен дәрігерлер ауа сапасы нашарлаған күндері тыс жерде ұзақ болмауға, бетперде қолдануға және ағзаны ылғалдандыруды ұмытпауға кеңес береді.
